UPCAT suspendido pa rin para sa Academic Year 2023-2024
Mananatiling suspendido ang pagdaraos ng UP College Admission Test (UPCAT) para sa Academic Year 2023-2024.
Sa pahayag sinabi ni University of the Philippines Office of Admissions Director Francisco De los Reyes, ito ay dahil sa patuloy na banta sa kalusugan ng COVID-19.
Ayon kay De los Reyes, ang patuloy na pagsuspinde sa UPCAT ay napagkasunduan ng University Councils ng walong constituent universities ng UP System para na rin sa kaligtasan ng mga mag-aaral at personnel ng unibersidad.
Patuloy namang paiiralin ang UP-approved UP College Applications (UPCA) para sa pag-admit ng mga estudyante.
Unang ginamit ang UPCA noong 2020 na kasagsagan ng pandemya ng COVID-19. (DDC)
