Pangulong Marcos dumalo sa pagdiriwang ng anibersaryo ng Philippine Nurses Association

Dumalo si Pangulong Ferdinand “Bongbong” Marcos Jr. sa pagdiriwang ng ika-100 anibersaryo ng Philippine Nurses Association, Inc. (PNA) na ginanap sa Manila Hotel ngayong Huwebes, Sept. 1, 2022.

Sa kaniyang talumpati, ipinahayag ng pangulo ang paghanga at pasasalamat sa lahat ng Filipino nurses dito sa Pilipinas at maging ang mga nasa ibayong dagat.

Kinilala ng pangulo ang kanilang sakripisyo at hindi makasariling pagseserbisyo.

Tinalakay din ng pangulo ang mga plano ng kaniyang administrasyon para mapagbuti pa ang kalagayan ng mga nurse sa bansa sa pamamagitan ng pagpapataas ng kanilang suweldo.

Nangako ang pangulo na maglalaan ng mga programa para sa capacity-building, mga oportunidad sa abroad, patas na wages at benefits, at pagpasa ng bagong Philippine Nursing Practice Act.

Ang PNA ay itinatag noong 1922 bilang Filipino Nurses Association. (DDC)