Mga korte sa bansa balik na sa 100 percent on-site working capacity

Simula ngayong araw, September 1, 2022 ay balik na sa 100 percent on-site working capacity ang mga korte sa bansa kabilang na ang Korte Suprema.

Sa inilabas na memorandum order ni Supreme Court Chief Justice Alexander Gesmundo, iniutos ang pagbabalik ng 100 percent on-site working capacity sa lahat ng tanggapan, serbisyo, mga dibisyon, at units ng SC.

Ang opisyal na oras ng pasok sa trabaho ay mula 8:00AM hanggang 4:30PM, Lunes hanggang Biyernes.

Samantala, sa inilabas na circular ng Office of the Court Administrator, iniuutos din ang 100 percent on-site working capacity simula hanggang araw sa lahat ng mga korte sa buong bansa.

Sa hiwalay na administrative order ni Sandiganbayan Presiding Justice Amparo Cabotaje-Tang, iniutos din ang 100 percent on-site working capacity sa Sandiganbayan.

Sa tatlong magkakahiwalay na kautusan, binigyang-diin ang patuloy na pagsunod sa health and safety protocols bilang pag-iingat sa COVID-19. (DDC)