Mga pulis na nasugatan at nasawi sa pananambang sa Maguindanao ginawaran ng parangal

Binisita nina PNP Chief Gen. Rodolfo Azurin Jr., at Interior Secretary Benjamin Abalos Jr., ang mga pulis na tinambangan sa bayan ng Ampatuan sa Maguindanao.

Nagtungo ang dalawang opisyal Our Lady of Hope clinic para alamin ang kondisyon nina PCpl. Rogelio Dela Cuesta Jr. At PCpl. Marc Clint Dayaday na kapwa nasugatan sa insidente.

Ginawaran ang dalawa ng Medalya ng Sugatang Magiting, Medalya ng Kadakilaan at pinagkalooban ng financial assistance.

Ang isa pa nilang kasamahan na si PSMS Reynante Quinalayo ay ginawaran din ng Medalya ng Kadakilaan.

Matapos ito ay binisita din nina Azurin at Abalos ang burol ni PLT Reynaldo Samson.

Si Samson at isa pang nasawing pulis na si PCpl Salipuden Endab ay ginawaran din ng Medalya ng Kadakilaan.

Ang nasabibg mga pulis ay magsisilbi sana ng warrant of arrest para sa kasong Robbery with Violence Against or Intimidation of Persons nang atakihin sila ng mga suspek. (DDC)