Panukalang mag-angkat ng 150,00 MT ng asukal sasailalim sa pagbusisi ni Pangulong Marcos
Sasailalim sa pagbusisi ni Pangulong Ferdinand Romualdez Marcos Jr., ang planong pag-aangkat ng 150,000 metric tons ng asukal.
Ayon kay Press Secretary Trixie Cruz-Angeles, bilang kalihim ng Department of Agriculture (DA), sasailalim sa review ng pangulo ang sugar order para sa pag-aangkat ng asukal bago ito aprubahan.
Ang kautusan sa pag-aangkat ng asukal ay isusumite ng Sugar Regulatory Administration (SRA). Sa pamamagitan nito ay inaasahang mapagbubuti ang suplay at presyo ng asukal sa bansa.
Una rito ay hindi inaprubahan ng pangulo ang Sugar Order para sa pag-aangkat ng 300,000 MT ng asukal. (DDC)
