Panibagong supply para sa electrical components ng MRT-3 dumating sa bansa

Dumating na sa depot ng MRT-3 ang panibagong supply ng mga electrical components para sa mga tren at mga depot equipment ng linya.

Binubuo ang mga ito ng mga power module, na ginagamit sa bogie turntable, isang equipment na panglipat ng mga bogie para sa pagmimintina ng mga ito.

Mayroon ding mga bagong contactors, na electrical component ng mga tren; at surge arrestors, na electrical part naman ng direct current (DC) charger na ginagamit bilang charger ng mga back-up power supply na uninterruptible power supply (UPS) sa mga substations.

Ang nasabing mga components ay mahalaga upang mapanatiling nasa maayos na kondisyon ang mga tren ng MRT-3 at matiyak ang walang-patid o walang interupsyon sa serbisyo ng MRT-3. (DDC)