Sept. 16 idineklarang holiday sa Bontoc, Mountain Province
Idineklara ng Malakanyang bilang special non-working holiday ang September 16, 2022 sa munisipalidad ng Bontoc sa Mountain Province.
Sa Proclamation No. 46 na nilagdaan ni Executive Secretary Vic Rodriguez, walang pasok sa nasabing petsa sa bayan ng Bontoc, bilang paggunita sa ika 113 na Founding Anniversary ng munisipalidad.
Ayon sa Malakanyang marapat lamang na mabigyang oportunidad ang mga mamamayan ng Bontoc na makapagdiwang.
Ipinaalala naman ng Palasyo ang pagsunod sa public health measures sa mga isasagawang aktibidad. (DDC)
