19,262 na bagong kaso ng COVID-19 naitala ng DOH sa nakalipas na isang linggo

Nakapagtala ng 19,262 na bagong kaso ng COVID-19 sa bansa sa nakalipas na isang linggo o mula Aug. 22 hanggang Aug. 28.

Ang datos ayon sa Department of Health (DOH) ay 19 percent na mas mababa kumpara sa naitalang mga bagong kaso noong mula Aug. 15 hanggang Aug. 21.

Ayon sa DOH, sa 19,262 na bagong mga kaso, 110 ang severe at critical cases.

Habang nakapagtala naman ng 316 dagdag na nasawi.

Samantala, iniulat din ng DOH na mayroon nang 72,476,610 na fully vaccinated individuals.

Umabot naman na sa 17,843,348 ang nakatanggap ng booster shots. (DDC)