EJ Obiena nagwagi ng gintong medalya sa event sa Germany
Muling nagtagumpay ang Pinoy pole vaulter na si EJ Obiena sa nilahukan nitong event sa Germany.
Nagtala si Obiena ng 5.81 meter sa True Athletes Classics kaya naiuwi nito ang gintong medalya.
Tinalo ni Obiena ang pambato ng Netherlands at Australia.
Ito na ang ikatlong sunod na tagumpay ni Obiena sa loob lamang ng isang linggo.
Nauna na siyang nagwagi ng gintong medalya sa isang event sa Jockrim, Germany at bronze sa Lausanne, Switzerland. (DDC)
