Presyo ng diesel at kerosene tataas ng P6.10 kada litro; gasolina tataas ng P1.40 kada litro
Inanunsyo na ng mga kumpanya ng langis ang eksaktong halaga ng ipatutupad na dagdag presyo sa kanilang produktong petrolyo.
Sa inilabas na abiso ng mga kumpanya, tataas ng P6.10 ang presyo ng kada litro ng diesel at kerosene.
Madaragdagan naman ng P1.40 ang presyo ng kada litro ng gasolina.
Epektibo ang dagdag presyo bukas araw ng Martes (August 30, 2022)
May pagkakataon pa ang mga motorista na magpa-full tank ngayong araw bago ang malakihang pagtaas ng presyo bukas. (DDC)
