Jail warden ng Iloilo District Jail sinibak sa puwesto matapos mag-welga ang mga preso dahil sa gutom
Sinibak muna sa puwesto ang jail warden ng Iloilo District Jail matapos ang protesta ng mga preso dahil sa anila ay kagutuman.
Iniutos ni Department of the Interior and Local Government (DILG) Sec. Benjamin Abalos Jr. na alisin muna sa puwesto si Jail Chief Inspector Norberto Miciano habang isinasagawa ang imbestigasyon.
Inatasan ni Abalos si Bureau of Jail and Management Penology (BJMP) chief, Jail Director Allan Iral na imbestigahan ang hinaing ng mga preso.
Habang si BJMP VI Regional Director JCSupt. Clint Russel Tangeres ay inatasang agad tugunan ang concern ng mga bilanggo.
Pinatitiyak din ni Abalos na nabibigyan sila ng sapat na pagkain at iba pang pangunahing pangangailangan. (DDC)
