Ilang lansangan sa CAR at Region 2 sarado sa mga motorista dahil sa epekto ng bagyong Florita

Ilang lansangan sa CAR at Region 2 sarado sa mga motorista dahil sa epekto ng bagyong Florita

Ilang lansangan sa Cordillera Administrative Region (CAR) at Region 2 ang hindi pa rin madaanan ng mga motorista dahil sa pinsalang idinulot ng bagyong Florita.

Ayon sa Department of Public Works and Highways – Bureau of Maintenance dalawang national roads sa CAR ang sarado sa mga motorista.

Kabilang dito ang ilang lansangan sa Mt. Province, Isabela, Apayao at La Union.

May mga lansangan din sa Apayao, Benguet, Ifugao, Kalinga, at Ilocos Sur ang sarado pa ang ilang linya.

Naglagay na ng warning signs ang DPWH Quick Response Teams sa mga apektadong lansangan.

Magpapatuloy din ang clearing operations sa sandaling tulyan nang bumuti ang lagay ng panahon. (DDC)