Senate building isasara sa Aug. 22 para sumailalim sa disinfection

Magsasagawa ng disinfection sa Senate building sa Pasay City at isasara muna ito sa Lunes, August 22.

Ito ay makaraang sunud-sunod na magpositibo sa COVID-19 ang pitong senador.

Iniutos ni Senate President Juan Miguel Zubiri, ang pagsasagawa ng masusing paglilinis at disinfection sa lahat ng tanggapan sa senado.

Ayon kay Zubiri, magpapatupad ng total lockdown sa Senate building, at lahat ng empleyado ay inaatasang mag-work from home sa Lunes.

Magre-resume ang sesyon ng senado sa Martes, Aug. 23.

Ngayong umaga ng Biyernes (Aug. 19), kapwa inanunsyo nina Sneators JV Ejercito at Nancy Binay na nagpositibo sila sa COVID-19. (DDC)