Bilang ng mga mag-aaral na nakapagpatala para sa SY 2022-2023 umabot na sa mahigit 21.8 million
Sa huling datos mula sa Learning Information System (LIS) ng Department of Education (DepEd) umakyat na sa 21,837,853 ang bilang ng mga nagparehistro na mga mag-aaral.
Ang nasabing bilang ay mula noong July 25 hanggang umaga ng Miyerkules (Aug. 17).
Sa nasabing bilang, mahigit 19.2 million ang nakapag-enroll na sa public schools, mahigit 2.5 million ang nag-enroll sa private schools, mahigit 72,000 ang nag-enroll sa SUCs at LUCs.
Pinakamarami na ang nakapagpatala sa Region IV-A na umabot sa mahigit 3.1 million, na sinusundan ng Region III na mayroong mahigit 2.4 million enrollees at NCR na mayroong mahigit 2.3 million enrollees.
Magpapatuloy ang enrollment hanggang sa Agosto 22, 2022.
Paalala ng DepEd, ipinatutupad pa rin ang tatlong pamamaraan sa pagpapatala – ang in-person, remote, at dropbox enrollment. (DDC)
