DBM nagpalabas ng P1.4B na pondo para sa extension ng Service Contracting Program sa EDSA Busway
Nagpalabas na ng pondo ang Department of Budget and Management (DBM) para maipagpatuloy ang Service Contracting Program ng Department of Transportation (DOTr) at ng Land Transportation Franchising and Regulatory Board (LTFRB).
Ayon kay Budget Secretary Amenah Pangandaman, P1.4 billion ang inilaan ng ahensya para mapalawig ang Service Contracting Program.
Ang programa ay para sa EDSA Busway Libreng Sakay Program na pinalawig hanggang sa Disyembre.
Ayon sa DBM, tinatayang mahigit 50-milyong ridership ang makikinabang sa programa. (DDC)
