QC at Montalban LGU nagpulong kaugnay sa rehabilitasyon ng Litex-Payatas Road
Nagsagawa ng pulong ang mga lokal na pamahalaan ng Quezon City at Montalban, Rizal para matalakay ang rehabilitasyon sa Litex-Payatas Road.
Dumalo sa pulong sina Quezon City Mayor Joy Belmonte, QC District 5 Rep. PM Vargas, QC District 2 Rep. Raffy Tulfo Jr., Montalban, Rizal Mayor Ronnie Evangelista, at Rizal District 5 Rep. Fidel Nograles.
Sa nasabing pulong ay tinalakay ang mga plano upang malutas ang mga isyu na may kaugnayan sa truck overloading at maibsan ang matinding trapiko sa kalsada sa pamamagitan ng road widening projects at road concreting.
Ang Payatas-Montalban Road ay ang daang nag-uugnay sa Bayan ng Montalban at Lungsod ng Quezon.
Dito dumadaan ang mga truck para sa iba’t ibang produkto at mga manggagawa o trabahador na taga-Montalban papasok at palabas ng bayan. (DDC)
