MV Filipinas Cebu sumadsad sa bahagi ng Agho Island, Iloilo

MV Filipinas Cebu sumadsad sa bahagi ng Agho Island, Iloilo

Rumesponde ang mga tauhan ng Philippine Coast Guard (PCG) sa isang maritime incident na kinasangkutan ng MV Filipinas Cebu.

Ayon sa PCG, sumadsad ang nasabing RoRo sa pagitan ng Igbon Island at Agho Island sa Concepcion, Iloilo, 12:08 ng madaling araw ng Martes (Aug. 9).

Ang nasabing RoRo / passenger vessel na pag-aari ng Cokaliong Shipping Lines ay umalis ng Iloilo Lunes (Aug. 8) ng gabi at patungo dapat ng Cebu.

Ayon kay Captain Alexander Wahing, ligtas naman ang 223 na pasahero at 38 crew ng barko.

Iniimbestigahan pa kung ano ang sanhi ng pagsadsas ng barko.

Ipinadala na rin sa lugar ang MV Nasipit, sister vessel ng MV Filipinas Cebu para mailipat ang mga pasahero at maihatid sa kanilang destinasyon. (DDC)