Mga atletang Pinoy na lumahok sa katatapos lang na 11th ASEAN Para Games binati ni Pangulong Marcos
Binati ni Pangulong Ferdinand “Bongbong” Marcos ang mga atletang Pinoy na lumahok sa katatapos lang na 11th ASEAN Para Games na idinaos sa Indonesia.
Ayon sa pangulo , pinatunayan ng mga atleta na hindi hadlang ang kanilang kapansanan upang makamit ang tagumpay.
“Ang kanilang katatagan at dedikasyon ay isang mabuting huwaran sa bawat kabataang nangangarap maging isang atleta,” ayon sa pangulo.
Ang Pilipinas ay nagtapos sa ikalimang puwesto sa labingisang mga bansa na lumahok sa ASEAN PAra Games.
Nakapag-uwi ang mga atletang Pinoy ng 28 gintong medalya, 30 silver at 46 na bronze. (DDC)
