Bahay ni dating U.S. President Donald Trump sinalakay ng FBI
Sinalakay ng mga tauhan ng Federal Bureau of Investigation (FBI) ang bahay ni dating U.S. President Donald Trump sa Southern Florida.
Sa kaniyang pahayag sa social media, sinabi ni Trump na maraming bilang ng mga tauhan ng FBI ang nagtungo sa kaniyang Mar-A-Lago residence.
Sinabi ni Trump na “unannounced” ang ginawang pagsalakay ng FBI.
Pinaniniwalaang nasa Mar-A-Lago ang mga rekord at dokumento na hinahanap ng Justice Department sa isinasagawa nitong imbestigasyon kay Trump.
Hindi naman pa malinaw kung ang pagsalakay ng NBI ay may kaugnayan sa mga classified documents na hinahanap ng Justice Department. (DDC)
