TINGNAN: 150 kabataan sa Macabud, Montalban napagkalooban ng “back to school supplies”
Aabot sa 150 mga bata mula sa Barangay Macabud sa Montalban, Rizal ang napagkalooban ng “back to school supplies” at iba pang pangangailangan.
Ito ay sa isinagawang aktibidad ng grupong “Nice One Club” sa nasabing barangay.
Maliban sa school supplies, binigyan din ng tsinelas ang mga benepisyaryong kabataan.
Namahagi rin ang grupo ng food packs sa 35 pamilya na nangalaga sa mga puno na itinanim ng grupo sa idinaos na Tree Planting activity noong April 2022.
Noong nakaraang buwan ng Abril, nagtanim ng mga puno ang grupong Nice One Club sa Barangay Macabud at inihabilin ito sa mga pamilya sa lugar.
Bilang kapalit ng kanilang pangangalaga sa itinanim na puno, ang grupo ay magkakaroon ng regular na aktbidad na pakikinabangan ng mga pamilyang naninirahan sa nasabing barangay. (DDC)
