San Juan City LGU nagbigay ng P1M donasyon sa Abra
Nagbigay ng P1 million na donasyon ang pamahalaang lungsod ng San Juan sa mga nasalanta ng malakas na pagyanig sa Abra.
Sa ilalim ng City Ordinance No. 36-2022 ay inaprubahan ang pagpapalabas ng nasabing halaga mula sa pondo ng Local Disaster Risk Reduction and Management Fund ng lungsod.
Ididiretso ang tulong sa provincial government ng Abra.
Magugunitang nagdeklara ng state of calamity sa buong probinsya ng Abra dahil sa naging pinsala ng lindol. (DDC)
