Huling buhat: Hidilyn Diaz sasabak sa 2024 Paris Olympics

Nagdesisyon ang Pinay weightlifter na si Hidilyn Diaz na isantabi muna ang honeymoon.

Sa halip ay magpapatuloy si Diaz sa kaniyang pag-eensayo dahil sasali siya sa 2024 Paris Olympics.

Sa kaniyang post sa Facebook, sinabi ni Diaz na kahit batid niyang wala na siyang kailangang patunayan, nais pa rin niyang gawin ang kaniyang makakaya para sa weightlifting at sa Pilipinas.

“Itabi muna natin ang honeymoon, we only have 730 days left. Kahit mahirap, even though I do not need to prove anything, gusto ko pa rin gawin ang lahat ng makakaya ko para sa Weightlifting at sa Pilipinas,” ani Diaz.

Sinabi ni Diaz na ito ang nais niya at ang weightlifting ang nagpapasaya sa kaniya,

Dahil dito umapela si Diaz sa publiko na suportahan at ipagdasal siya para sa kaniyang “last lift”. (DDC)