P1.3M na halaga ng shabu nakumpiska sa Montalban, Rizal

Arestado ang hindi bababa sa apat na drug suspect sa ikinasang operasyon kontra ilegal na droga sa Barangay San Jose, Montalban, Rizal.

Ikinasa ng mga tauhan ng Intelligence Unit ng Rizal Police Provincial Office ang operasyon.

Nakumpiska sa mga suspek ang tinatayang aabot sa 200 gramo ng hinihinalang shabu.

Tinatayang mahigit P1.3 million ang street value ng nakumpiskang ilegal na droga.

Mahaharap ang mga suspek sa kasong paglabag sa RA 9165 o Dangerous Drugs Act of 2002. (DDC)