4,621 na bagong kaso ng COVID-19 naitala ng DOH

Umabot sa 4,621 ang bagong kaso ng COVID-19 na naitala sa bansa araw ng Linggo, Aug. 7.

Ito na ang ikaapat na sunod na araw na lagpas sa 4,000 ang naitatalang bagong kaso.

Sa nasabing bilang, 1,531 na bagong kaso ay mula sa Metro Manila.

Ayon sa DOH, umabot na sa 3,803,955 ang kabuuang kaso ng COVID-19 na naitala sa bansa.

Umakyat naman sa 37,805 ang aktibong kaso ng sakit.

Ang kabuuang bilang ng mga gumaling ay umabot na sa 3,705,343.

Habang umabot na sa 60,807 ang bilang ng mga nasawi makaraang makapagtala n dagdag na 18 pang pumanaw. (DDC)