Malakanyang itinangging deklaradong holiday ang Aug. 9
Itinanggi ng Malakanyang ang mga kumakalat na balita na deklaradong special non-working holiday ang August 9, 2022.
Ayon kay Press Secretary Trixie Cruz-Angeles hindi ito totoo at walang inilalabas na proklamasyon ang Malakanyang hinggil dito.
Ginawa ng Palasyo ang paglilinaw dahil sa kumakalat na balita sa social media na idineklarang holiday ang August 9 na araw ng libing ni dating Pangulong Fidel V. Ramos.
Nakasaad pa sa mga post ang konteksto ng umano ay proklamasyon na inisyu ng Malakanyang.
Hinikayat ni Angeles ang publiko na maging mapanuri sa mga nababasa at nakikita sa social media. (DDC)
