Pangulong Marcos nagtungo sa burol ni dating Pangulong Fidel Ramos
Nakiramay si Pangulong Ferdinand “Bongbong” Marcos Jr. sa mga naulila ni dating Pangulong Fidel V. Ramos.
Nagtungo ang pangulo sa burol ni Ramos sa Heritage Park sa Taguig City, Huwebes (Aug. 4) ng umaga.
Ayon kay Marcos, hindi matatawaran ang ginawang pagseserbisyo ni Ramos bilang isang sundalo at lingkod-bayan.
“Tayo ay nakiramay sa pamilya’t kaanak ni dating Pangulong Fidel V. Ramos. Ang kanyang pagsisilbi sa bayan bilang sundalo at lingkod-bayan ay hindi matatawaran at kailanman ay hindi natin makakalimutan,” ayon kay Pangulon Marcos.
Sa August 9 idaraos ang state funeral para kay Ramos. (DDC)
