Panukalang itaas ang tinatanggap na buwanang pensyon ng mga mahihirap na senior citizen, isa nang ganap na batas
Naging ganap nang batas ang panukala na magtataas ng buwanang pensyon ng mga mahihirap na senior citizens.
Nag-lapse into law ang RA 11916 o An Act Increasing the Social Pension of Indigent Senior Citizens.
Sa ilalim ng nasabing batas, mula sa P500 na buwanang pensyon ng mga mahihirap na senior citizen ay itataas ito sa P1,000.
Ang National Commission of Senior Citizens na ang mamamahala sa pamimigay ng buwanang pensyon sa halip na ang Department of Social Welfare and Development (DSWD). (DDC)
