Halos 315,000 katao naapektuhan ng malakas na lindol sa Abra; 10 na ang patay – NDRRMC
Umabot na sa halos 315,000 katao ang naapektuhan ng magnitude 7.0 na lindol na tumama sa Abra.
Sa inilabas na Situational Report ng National Disaster Risk Reduction and Management Council (NDRRMC), kabuuang 314,161 na katao ang naapektuhan o katumbas ng 82,336 na pamilya.
Umakyat naman na sa 10 ang bilang ng nasawi at 375 ang nasugatan.
Ayon sa NDRRMC, 34,291 na katao ang kinailangang ilikas at karamihan sa kanila ay nananatili sa mga evacuation centers.
Umabot naman na sa 11,890 ang bilang ng mga bahay na nasira dahil sa nasabing lindol. (DDC)
