QC LGU magpapadala ng tents, first aid kits, hygiene kits, at COVID kits sa ViIgan at Abra
Inihanda na ng Quezon City Disaster Risk Reduction and Management Office (QCDRRMO) ang mga ipapadalang tulong ng Quezon City Government sa Vigan at Abra.
Alinsunod ito sa utos ni Quezon City Mayor Joy Belmonte.
Kabilang sa mga ni-repack at inayos ng Logistics and Training Section ang mga partition/evacuation tents, first aid kits, hygiene kits, at Covid kits.
Ang Vigan at Abra ay ilan lamang sa mga lugar na lubos na naapektuhan ng magnitude 7 na lindol.
Maraming pamilya ang nananatili pa sa mga evacuation centers matapos masira ng lindol ang kanilang tahanan. (DDC)
