Halos 80,000 katao naapektuhan ng malakas na lindol sa Abra; 6 na ang patay – NDRRMC
Umabot na sa halos 80,000 katao ang naapektuhan ng magnitude 7.0 na lindol na tumama sa Abra.
Sa inilabas na Situational Report ng National Disaster Risk Reduction and Management Council (NDRRMC), kabuuang 79,260 na katao ang naapektuhan o katumbas ng 19,486 na pamilya.
Umakyat naman na sa 6 ang bilang ng nasawi at 136 ang nasugatan.
Mayroon pang 4 na naitalang nawawala.
Ayon sa NDRRMC, 7,331 na katao ang kinailangang ilikas at karamihan sa kanila ay nananatili sa mga evacuation centers.
Umabot naman na sa 1,583 ang bilang ng mga bahay na nasira dahil sa nasabing lindol (DDC)
