Pagbabalik ng serbisyo sa mga lugar na naapektuhan ng lindol pinamamadali ng NTC sa mga telco

Inatasan ng National Telecommunications Commission (NTC) ang lahat ng public telecommunications entities na madaliin ang pagkukumpuni at pagbabalik ng kanilang serbisyo sa mga lugar na lubhang naapektuhan ng lindol sa Abra.

Pinatitiyak din ni NTC Commissioner Gamaliel Cordoba na mayroong sapat na technical at support personnel at standby generators with extra fuel, tools at spare equipment sa mga apektadong lugar.

Inaasahan ng komisyon mula sa telcos ang kanilang status updates sa restoration activities na isinasagawa sa kanilang network at facilities, at timeline para sa full restoration ng kanilang serbisyo. (DDC)