14 na national roads isinara sa daloy ng traffic dahil sa pinsala ng lindol

Labingapat na national roads ang isinara sa mga motorista dahil sa pinsalang naidulot ng malakas na lindol

Ayon sa Department of Public Works and Highways (DPWH), agad nag-deploy ang ahensya ng kanilang quick response teams para maisailalim sa inspeksyon ang mga national roads at tulay sa mga naapektuhang lugar.

Inatasan ni DPWH Sec. Manuel Bonoan ang DPWH Regional and District Engineering Offices sa Luzon na agad busisiin ang mga public infrastructures.

Ang mga national road na hindi madaanan dahil sa rock fall, soil collapse at iba pang safety reasons ay psa Abra, Kalinga, Ilocos Norte, Benguet, Mt. Province, Baguio City, Cagayan, Ilocos Sur at sa iba pang lugar na naapektuhan ng malakas na lindol. (DDC)