Nasawi sa magnitude 7.0 na lindol sa Abra umakyat na sa 4
Nakapagtala na ng apat na nasawi sa magnitude 7 na lindol na tumama sa Abra at naramdaman sa iba pang parte ng Luzon.
Sa ulat ni Interior and Local Government Secretary Benjamin Abalos Jr. kay Pangulong Ferdinand “Bongbong” Marcos, nakapagtala na din ng 60 sugatan.
Ayon kay Abalos, nakpagtala na ng dalawang nasawi sa Benguet at tig-isa sa Abra at Mt. Province.
Naitala ang nasabing pagyanig 8:43 ng umaga at sa Tayum, Abra ang epicenter.
Nagdulot din ang lindol ng pinsala sa mga imprastraktura kabilang na ang deklaradong heritage sites sa Ilocos. (DDC)
