Sariling Center for Disease Control and Prevention, Vaccine Institute itatatag sa bansa
Magkakaroon ng sariling Sariling Center for Disease Control and Prevention at Vaccine Institute sa bansa.
Kabilang ito sa nabanggit ni Pangulong Ferdinand “Bongbong” Marcos Jr. sa kaniyang State of the Nation Address (SONA).
Ayon kay Marcos, sa tulong ng sangay ng lehislatura, magpapasa ng batas para magkaroon ng sariling CDC at Vaccine Institute ang Pilipinas upang makatulong na mas maging handa sa mga pandemya.
Sinabi ni Marcos na magtatayo din ng mga dagdag na health centers at ospital.
At dahil malaking tulong aniya ang malalaking ospital gaya ng National Kidney and Transplant Institute, National Children’s Medical Center at iba pa, ay maglalagay din ng ganitong uri ng pagamutan sa iba pang bahagi ng bansa. (DDC)
