Presyo ng diesel may rollback na P1.85 kada litro; gasolina mababawasan ng 40 centavos kada litro

Kumpirmado na ang panibagong rollback sa presyo ng produktong petrolyo ngayong linggo.

Sa abiso ng mga kumpanya ng langis may bawas na P1.85 sa presyo ng kada litro ng diesel.

Mababawasan din ng 40 centavos ang kada litro ng gasolina at P1.30 sa kada litro ng kerosene.

Epektibo ang bawas presyo bukas araw ng Martes, July 25.

Ito na ang ikaapat na sunod na linggo na magkakaroon ng rollback sa presyo ng diesel at kerosene.

Habang ikatlong sunod na linggo naman para sa presyo ng gasolina. (DDC)