Enrollment para sa SY 2022-2023 sinimulan na ng DepEd ngayong araw
Nagsimula na ngayong araw, July 25 ang enrollment para sa mga pampublikong paaralan sa bansa.
Ayon sa Department of Education, ang enrollment para sa SY 2022-2023 ay tatagal hanggang sa August 22, 2022.
Mayroon tayong tatlong pamamaraan sa pagpapatala, ito ang in-person, remote, at dropbox enrollment.
Sinabi rin ng DepEd na ang mga Alternative Learning System (ALS) learners ay maaari na ring magpatala nang in-person o digital.
Pinayuhan ng DepEd ang mga magulang at mag-aaral na huwag kalimutang sundin ang ating health and safety protocols gaya ng pagsusuot ng face mask at pagpapanatili ng physical distancing kapag mag-eenroll ng in-person. (DDC)
