3,657 na bagong kaso ng COVID-19 naitala ng DOH

Umabot sa 3,657 ang bagong kaso ng COVID-19 na naitala sa bansa araw ng Linggo, July 24.

Ito na ang pinakamataas na daily tally ng COVID-19 sa nakalipas na limang buwan.

Sa nasabing bilang, 1,327 na bagong kaso ay mula sa Metro Manila.

Ayon sa DOH, umabot na sa 3,752,534 ang kabuuang kaso ng COVID-19 na naitala sa bansa.

Umakyat naman sa 27,116 ang aktibong kaso ng sakit.

Ang kabuuang bilang ng mga gumaling ay umabot na sa 3,664,735.

Habang umabot na sa 60,683 ang bilang ng mga nasawi. (DDC)