Tatlo patay sa insidente ng pamamaril sa Ateneo; ex-mayor ng Basilan kabilang sa nasawi

Patay ang tatlong katao sa pamamaril na naganap sa gate ng Ateneo de Manila University sa Quezon City, bago ang pagdaraos ng graduation ng Ateneo Law School araw ng Linggo, July 24.

Kinilala ng Quezon City government ang mga nasawi na sina dating Lamitan, Basilan Mayor Rose Furigay, umano’y bodyguard nito at security guard ng Ateneo campus.

Nangyari ang pamamaril sa harap ng Areté building kung saan gaganapin dapat ang graduation.

Dahil sa insidente, kinansela na ang aktibidad.

Nasugatan din sa insidente ang anak ni Furigay na kabilang sana sa magtatapos.

Sa press briefing sinabi ni Quezon City Police District Dir. P/Brig. Gen. remus Medina na hawak na nila ang suspek sa pamamaril.

Kinilala itong si Dr. Chao-Tiao Yumol, 38 anyos na residente din ng Basilan.

Inaalam pa kung mayroong kasabwat ang suspek. (DDC)