QC LGU nagdeklara ng half-day work para sa SONA ni Pangulong Marcos
Half-day lang ang pasok sa trabaho sa Quezon City government araw ng Lunes, July 25.
Sa araw ng unang State of the Nation Address (SONA) ni Pangulong Ferdinand “Bongbong” Marcos Jr., nagdeklara si Quezon City Mayor Joy Belmonte ng half-day work para sa Quezon City LGU.
Ayon sa memorandum ni QC Mayor Joy Belmonte, hanggang 12:00 lamang ng tanghali ang pasok sa QC LGU.
Una nang inanunsyo ni Belmonte ang suspensyon ng klase sa pahat ng pribado at pampublikong paaralan sa lungsod.
Ito ay dahil sa inaasahang traffic na mararanasan sa mga pangunahing lansangan sa lungsod. (DDC)
