Bilang ng mga bagong registered voters lumagpas na sa target
Nalagpasan na ang target ng Commission on Elections (Comelec) sa bilang ng mga bagong nagparehistrong botante.
Ayon kay Comelec spokesperson Atty. John Rex Laudiangco, mahigit 2 milyong bagong botante na ang nakapagparehistro hanggang noong July 20.
Umabot na aniya sa kabuuang 2,119,878 ang bilang ng mga nakapagparehistro.
Sa nasabing bilang, 1,325,415 ay pawang edad 15 hanggang 17, habang 680,497 naman ang edad 18 hanggang 30.
Mayroon ding 112,966 na mga edad 31 pataas.
Hanggang bukas na lang, July 23 ang voter registration, dahil kailangan namang paghandaan ng Comelec ang Barangay at SK elections sa Disyembre. (DDC)
