Hirit ng grupong BAYAN na makapagsagawa ng kilos protesta sa Batasan Road sa SONA ni PBBM, hindi pinayagan
Hindi pinayagan ng Quezon City Government ang hirit ng grupong BAYAN na makapagdaos ng kilos protesta sa Batasan Road sa Lunes, July 25.
Humingi ng permiso si BAYAN Secretary General Renato Reyes sa Quezon City LGU para mapayagan silang mag-kilos protesta sa nasabing lugar sa unang State of the Nation Address ni Pangulong Ferdinand “Bongbong” Marcos Jr.
Sa liham ng Department of Public Order and Safety kay Reyes, nakasaad na ang Batasan Road ay hindi itinuturing na Freedom Park at hindi puwedeng pagdausan ng rally, protesta at iba pang mass gathering.
Maliban dito, ang pagtitipon sa Batasan Road ay maaaring makaapekto sa daloy ng traffic sa lugar. (DDC)
