Dagdag na tax para sa mayayaman isinusulong ni Sen. Gatchalian
Nais ni Senator Sherwin Gatchalian na mapatawan ng karagdagang tax ang mga mayayaman.
Sa isang panayam, sinabi ni Gatchalian na maraming mga bilyonaryo sa bansa ang hindi kabilang sa top taxpayers.
Karaniwang nasa top taxpayers aniya ay ang mga TV at movie personalities.
Habang ang mga mayayaman na nasa billionaires list ay wala sa listahan bilang top taxpayers.
Si Gatchalian ay nakatakdang mamuno sa Senate ways and means committee ngayong 19th Congress.
Sinabi ni Gatchalian na plano niyang maghain ng panukalang batas para madagdagan ang bayaring buwis ng mayayaman at kumpiyansa siyang susuportahan ito ng mga mambabatas. (DDC)
