Dating DOTr Sec. Arthur Tugade nagpapagaling sa sakit na pneumonia

Ibinalita ni dating Transportation Secretary Arthur Tugade na tinamaan siya ng sakit na pneumonia.

Sinabi ni Tugade na matapos ang kaniyang speaking engagement sa Southridge students noong Sabado ay sumama ang kaniyang pakiramdam.

Bago ang event, lahat aniya ng kasali sa aktibidad kabilang ang mga mag-aaral ay nag-negatibo sa COVID-19.

“I was not feeling well when I spoke with PAREF Southridge School student leaders but I did not want to pass on the golden opportunity dialoguing with the youth,” ani Tugade.

Sinabi ni Tugade na naiinip siya habang nagpapagaling at nakaratay lamang.

“When one is sick, you cannot go to places you want to see. You cannot do the things you like to do. You cannot personally talk to people you want to speak with. You cannot hang around to chill and even do Tiktok! Haaay. Being sick is really boring!!!,” dagdag ng dating kalihim.

Pinaalalahanan naman ni Tugade ang bawat isa na alagaan ang sarili at manatiling malusog lalo na ngayong may pandemya pa rin. (DDC)