Ikatlong cabinet meeting pinangunahan ni Pangulong Marcos

Idinaos ngayong araw ang ikatlong cabinet meeting ng administrasyon ni Pangulong Ferdinand Marcos Jr.
Pinangunahan ni Marcos ang cabinet meeting na dinaluhan ng mga miyembro ng gabinete sa Aguinaldo State Dining Room sa Malacañan Palace ngayong araw ng Martes, July 19, 2022.

Ang sentro ng agenda para sa ikatlong cabinet meeting ay ang basic education, social welfare at iba pang usapin tungkol sa national interest.

Sa pagbubukas ng pulong, sinabi ni Marcos na magbibigay ng update si Vice President at DepEd Sec. Sara Duterte sa mga plano sa kagawaran.

Habang maglalatag din ng update si DSWD Sec. Erwin Tulfo. (DDC)