J-Lo, Ben Affleck ikinasal sa Las Vegas

Pormal na ang pagbabalik sa isa’t isa ng superstar couple na sina Ben Affleck at Jennifer Lopez.

Ikinasal sa Las Vegas ang dalawa matapos ang kanilang on-and-off relationship.

Naganap ang midnight wedding nina Affleck at Lopez sa Little White Wedding Chapel na tinawag ni Lopez bilang “best night of their lives”.

Ayon kay Lopez, pumila sila para sa marriage license sa Las Vegas kasama ang apat pang couples.

Muntik na aniya silang mapagsarahan ng chapel kaya nagpapasalamat sila sa pamunuan nito na nagpasyang magbukas kahit late na. (DDC)