Unang kampeonato nasungkit ng Philippine Women’s Football Team
Nakapagtala ng kasaysayan ang Philippine Women’s Football Team na Filipinas.
Ito ay makaraang masungkit ng koponan ang unang championship title nito sa 2022 AFF Women’s Championship.
Tinalo ng Filipinas ang Thailand sa score na 3-0 sa laban na ginanap Linggo (July 17) ng gabi sa Rizal Memorial Stadium sa Maynila.
Ito ang unang pagkakataon na nakakuha ng titulo sa tournament ang Filipinas.
Nakapasok sa finals ang Filipinas matapos ang panalo nito sa Vietnam noong Sabado. (DDC)
