Mga casino sa Macau isasailalim na din sa lockdown

Isasara na rin maging ang mga casino sa Macau dahil sa nararanasang panibagpng outbreak ng COVID-19.

Simula noong June 11, nagpapatupad ng COVID-19 restrictions sa Macau makaraang makapagtala ng lagpas 1,500 na kaso.

Araw ng Linggo, July 17 ay umabot pa sa 1,733 ang total cases.

Ayon sa anunsyo ng mga otoridad, palalawigin ang pinaiiral na restrictions at ang mga residente ay pinaalalahanang manatili sa bahay maliban na lamang kung bibili ng importanteng pangangailangan.

Kabilang sa isasara na din ang mga casino na pinagkukunan ng 80 percent ng government revenue.

Ilan lamang sa pinapayagang magbukas ay ang mga supermarket at mga pharmacy. (DDC)