Kumpanyang gumagawa ng tasty at pandesal humirit ng P4 dagdag sa presyo ng kanilang produkto

Humirit ang kilalang brand na Pinoy Tasty at Pinoy Pandesal ng P4 dagdag sa presyo ng kanilang produkto dahil sa pagtaas ng halaga ng produkto.

Ayon kay DTI Usec. Ruth Castelo, nakabinbin ngayon sa ahensya ang kahilingan ng naturang kumpanya at sumasailalim sa review.

Matapos maisailalim sa review ang hirit na dagdag presyo, isusumite naman ang rekomendasyon kay Trade Sec. Alfredo Pascual.

Sa kasalukuyan, ang suggested retail price ng Pinoy Tasty ay P38.50 kada 450 gram pack, habang ang Pinoy Pandesal ay P23.50 kada 10 piece-pack. (DDC)