Camarines Sur at Davao Del Sur, “bird flu-free” na ayon sa DA
Kapwa ligtas na sa bird flu ang mga lalawigan ng Camarines Sur at Davao Del Sur.
Ayon sa Department of Agriculture (DA), ang dalawang lalawigan ay negatibo na sa H5N1 matapos ang isinagawang malawakang clean-up at disinfection.
Ang dalawang lalawigan ang naapektuhan ng bird flu noong March 2022 matapos magpositibo ang mga alagang bibe sa virus.
Sinabi ng DA na sa isinagawang disease monitoring sa 1-km at 7-km surveillance zones, negatibo na sa influenza type A virus ang dalawang lalawigan. (DDC)
