TINGNAN: 94 na Green Sea Turtle hatchlings pinakawalan sa Zamboanga Del Norte

Pinakawalan sa coastal area ng Kauswagan, Baliguian, Zamboanga del Norte ang 94 na hatchlings ng Green Sea Turtle.

Ayon sa Department of Environment and Natural Resources (DENR) ang Green Sea Turtles ay nasa listahan na ng endangered species ng The International Union for Conservation of Nature (IUCN).

Ito ay bunsod ng pagkaunti ng populasyon ng mga ito dahil sa paghuli sa kanila, pagkawala ng kanilang nesting sites at illegal poaching sa kanilang itlog.

Ayon sa DENR, makatutulong ang publiko para muling maparami ang Green Sea Turtles sa pamamagitan ng pagsunod sa tamang solid waste management at pagkakaroon ng sustainable na lifestyle. (DDC)